Մի անգամ արքայի մոտ են գալիս 3 իմաստուն և խնդրում են որոշել,թե ով է իրենցից ամենաիմաստունը:
Արքան նարնց համար կազմակերպում է փորձություն.
նա ցույց է տալիս 3 սպիտակ և 2 սև գլխարկ:Հետո իմաստուններին շրջանաձև նստեցնում է և յուրաքանչյուրի գլխին դնում է այդ գլխարկներից մեկը:Նրանցից յուրաքանչյուրը տեսնում է,թե ինչ գույնի գլխարկ է մյուս երկուսի գլխին,սակայն չի տեսնում իր գլխի գլխարկը:Իմաստունները պետք է լուռ նստեն և մտածեն:Այն իմաստունը, ով առաջիը կգուշակի իր գլխարկի գույնը,կհամարվի ամենաիմաստունը:Բոլոր իմաստուններն էլ խելացի են և չեն կարող տալ տրամաբանորեն չհիմնավորված պատասխան:
Հարց. Ինչպե՞ս իմաստուններից մեկը մի քանի րոպե հետո գուշակեց իր գլխի գլխարկի գույնը,եթե արքան 3 -ի գլխին էլ սպիտակ գլխարկ էր դրել:
Իմաստունը,ով մի քանի րոպե հետո գուշակում է,որ 3 - ի գլխին էլ սպիտակ գլխարկ է,մտածում է հետևյալ կերպ.
<<Եթե իմ գլխին լիներ սև գլխարկ,ապա մյուս (2 -րդ) իմաստունը ,տեսնելով ,որ իմ գլխին սև գլխարկ է,իսկ 3-րդ իմաստունի գլխին սպիտակ,կմտածեր, որ եթե իր գլխին նույնպես լիներ սև գլխարկ, ապա 3-րդ իմաստունը, տեսնելով, որ մյուս 2 իմաստունների գլխի սև գլխարկ է,անմիջապես կասեր,որ իր գլխին սպիտակ է,քանի որ սև գլխարկը ընդամենը 2 հատ կա:Բայց քանի որ 3-րդ իմաստունը լռում է,ապա 2 -րդ իմաստունը դրանից կգար այն եզրահանգմանը ,որ իր գլխինը ոչ թե սև,այլ սպիտակ գլխարկ է և կասեր այդ մասին:Բայց քանի որ 2-րդ իմաստունը նույնպես լռում է,Նշանակում է, որ իմ գլխին ոչ թե սև այլ սպիտակ գլխարկ է>>:
